Ayoyi goma sha bakwai a cikin Sabon Alkawari sun bayyana Yesu a matsayin “ɗan Dauda.” Waɗannan kalmomi ba sa fara nanata asalinsa na jiki daga zuriyar Dauda (ko da yake hakan gaskiya ne); a maimakon haka, taken Almasihu ne. A cikin takaddama da Farisiyawa, Yesu ya yi musu wannan tambayar: Ta yaya Almasihu zai zama ɗan Dauda alhali Dauda da kansa ya kira shi Ubangiji? (Markus 12:35–37; Zabura 110:1).

Allah Allah ne na tsari, ba na hargitsi ba (1 Kor. 14:33). Ana yawan daraja yin abubuwa barkatai ba tare da shiri ba a al'adunmu, kuma tabbas akwai madaidaicin wuri domin hakan, amma yana iya rikida cikin sauki ya koma gangancin rishin tunani, wanda shi ne cikakkiyar kishiyar kamun kai. Saboda haka, idan kai ko ni muna nuna kamun kai, muna koyi da Mahaliccinmu ne.

Kadaita Allah ya tabbatar da cewa akwai Allah guda ɗaya kawai na gaskiya, amma addinai daban-daban masu kadaita Allah suna da fahimta daban-daban game da wannan Allah guda ɗaya na gaskiya. Mun sani cewa Allah guda ɗaya na gaskiya a haƙiƙa shi ne Allah Uku Cikin Ɗaya Mai Tsarki. Allah na gaskiya ɗaya ne a cikin jigo kuma uku a cikin mutum—Uba, Ɗa, da Ruhu Mai Tsarki.

A cikin bin tafarkinmu na tsarkaka, godiya ga Almasihu ita ce babban maganin bin dokoki don samun kuɓuta. Ba ma bin tsarkaka domin mu sa kanmu mu zama karɓaɓɓu ga Allah ba. Muna bin tsarkaka ne cikin godiya ga fansa wadda take tamu ta wurin jinin Almasihu da kuma sabuntawa wadda Ruhun Almasihu yake tabbatarwa a cikinmu.

Lokacin da muka taru a taron addu'armu, muna shiga cikin manufofin Allah ne. Akwai zurfin asiri a nan, amma addu'o'inmu suna taimakon 'yan'uwanmu maza da mata cikin Kristi, kuma ana amfani da su wajen cika madawwamin nufin Allah.

Manzo Bulus ya kwatanta bautar gumaka a matsayin musaya. Maimakon a ba Allah ɗaukaka, sai aka musanya ta da ɗaukakar siffofin abubuwan da aka halitta. Domin yin haka, mai bautar ya “musanya gaskiyar Allah da ƙarya, ya kuma bauta wa abin da aka halitta, ya yi masa hidima maimakon Mahalicci, wanda shi ne abin albarka har abada! Amin.” (Rom. 1:25).

A ƙarshen bisharoyi huɗu, Yesu yana yi mana abin da ba za mu iya yi wa kanmu ba. Manufa ta farko kuma babba ta bisharoyin ba ita ce mu yi koyi da abin da Yesu yake yi ba, amma, kamar yadda Yohanna ya rubuta a fili, mu yi imani da Yesu: "Amma an rubuta waɗannan don ku gaskata Yesu shi ne Almasihu, Ɗan Allah, kuma ta wurin gaskatawa ku sami rai da sunansa" (Yohanna 20:31).

Baftisma aikin Allah ne na haɗewa: yana ɗaure mu a matsayin mambobi da yawa zuwa cikin jiki ɗaya (1 Kor. 12:13). Saboda haka, baftisma yana kiranmu mu daraja kyaututtuka da ayyuka dabam-dabam na wasu a cikin ikilisiya, domin kowane sashe yana ba da gudummawa ga kyautatuwa da girman dukan jiki (1 Kor. 12:14–31).

Me ya sa muke rera waƙoƙin Kirsimeti? Hakika, suna samar da farin ciki, suna taimaka mana mu tuna haihuwar Yesu da rayuwarsa, kuma suna gina mu a ruhance. Kafin Kirsimeti, muna maimaita koyaswar halitta, daraja, zama jiki, da kuma kafara (don ambatar kaɗan ke nan) a cikin sanannun waƙoƙin yabo da na Kirsimeti.