Tunawa da R.C. Sproul, 1939-2017

Daga Stephen Nichols, Disamba 14, 2017

R.C. Sproul, masanin ilimin tauhidi, Fasto, kuma wanda ya kafa Ministrin Ligonier, ya mutu a ranar 14 ga Disamba, 2017, yana da shekaru 78, bayan an kwantar da shi a asibiti saboda matsalolin da ke tattare da cutar emphysema. Dr. Sproul ya rasu ne ya bar masoyiyar kuruciyarsa kuma matar ta tsawon shekara hamsin da bakwai, Vesta Ann (Voorhis); ‘yar su, Sherrie Sproul Dorotiak, da mijinta, Dennis; da dansu, Dr. R.C. Sproul Jr., da matarsa, Lisa. Sprouls suna da jikoki goma sha ɗaya,  ɗaya daga cikinsu ta rasu, ya bar kuma tattaba-kunne bakwai.

R.C. Sproul masanin tauhidi ne wanda ya yi hidima ga ikkilisiya. Ya yaba wa ’yan canji ba kawai don abin da ke cikin saƙonsu ba, amma ga yadda suka ɗauki wannan saƙon zuwa ga mutane. Su “masu ilimin tauhidi ne na fagen fama,” kamar yadda ya kira su. Mutane da yawa sun fara jin labarin sola biyar na gyare-gyare ta hanyar koyarwar R.C. Sproul. Lokacin da R.C. yayi koyarwa game da Martin Luther, kamar dai ya sadu da mai gyaran na ƙarni na sha shida. Ƙudurin RC ga sola Scriptura ya sa shi taka muhimmiyar rawa wajen tsarawa da ba da shawara ga Bayanin Chicago akan rashin kuskuren Littafi Mai-Tsarki (1978). Ya kuma yi aiki a matsayin shugaban Majalisar kasa da kasa kan rashin kuskuren Littafi Mai Tsarki. Saboda sadaukarwarsa ga sola fide, barata ta bangaskiya kadai, R.C. ya ɗauki tsayin daka na adawa da masu bishara da Katolika tare da (ECT) a 1994. Daga baya ya yi adawa da Sabon Ra’ayi akan Bulus da kuma ra’ayin Tarayyar Tarayya. Kamar masu kawo gyara, R.C. ya kasance a shirye yayi tsayin daka don mahimmiyar koyarwar Kiristanci na Orthodox na tarihi. Ya kasance mai kāre ikon Kalmar Allah da bishara.

A matsayin ƙwararren masanin falsafa kuma masanin tauhidi, R.C. ya kasance babban mai ba da shawara na uzuri na gargajiya. An san shi da samun matsayi mai ƙarfi game da rayuwa, sau ɗaya yana faɗin cewa zubar da ciki shine watakila muhimmin batun ɗabi’a na zamaninmu. Ya kasance babban masanin tauhidi. Ya ƙaunaci koyarwar Allah. Ta wurin haka ya sami ƙofar sanin Allah, da bautar Allah, da girmama Allah. Koyarwar Allah ta zama cibiyar dabarar mai kyau ta ayyukkan R.C. Sproul da gadon da ya bari, an tabbatar da hakan a cikin rubuce-rubucensa na yau da kullum, Tsarkin Allah (1985). A matsayinsa na uba da kakan bangaskiya, ya taimaki tsara duka su sadu da Allah na Littafi Mai Tsarki.

Shi haifaffen Pittsburgh ne, an haifi Robert Charles Sproul a ranar 13 ga Fabrairu, 1939, ga Robert Cecil Sproul da Mayre Ann (Yardis) Sproul. A ranar daren Kirsimeti  na 1942, mahaifin RC, wanda ke da kamfanin lissafin kudi a cikin garin Pittsburgh, ya sauka a Casablanca, Maroko, don fara hidimarsa a cikin Soja a lokacin yakin duniya na biyu. R.C. ya  buga wasiƙunsa na farko yayin da yake zaune a cinyar mahaifiyarsa, yana buga maɓallai biyu, x da o, “sumba da runguma,” a ƙasan wasiƙun daya rubuta zuwa ga mahaifinsa. Tun daga makarantar firamare har zuwa makarantar sakandare, R.C. ya ɓata lokaci mai yawa a filayen wasanni fiye da bayan na’urar buga rubutu. Ya sami gurbin karatu na motsa jiki zuwa Kwalejin Westminster, arewacin Pittsburgh. R.C. Ya tafi kwaleji ba tare da ya karbi Almasihu ba, amma a farkon shekararsa ta farko an jagorance shi zuwa ga Kristi.

A lokacin da R.C. ya bar koleji, ba wai kawai ya tuba ba, ya kuma sami “sabuwar haihuwa” zuwa koyaswar Allah. Daga baya ya  rubuta game da wannan gogewar a cikin buɗaɗɗun shafukan littafinsa Mai take Tsarki na Allah. Ranar 11 ga Yuni, 1960, R.C. ya auri Vesta, masoyiyar yarantar sa. Ta kammala karatun jami’a kenan shi Kuma R.C. yana da sauran shekara guda. Ya kamu da sonta a karon farko da ya ganta, lokacin tana aji biyu shi kuma ya na aji daya. Kusan koyaushe butun shine R.C. da Vesta

Bayan koleji, R.C. Ya tafi makarantar tauhidin mishan ta Pittsburgh, inda ya zo karkashin jagorancin John Gerstner. R.C. ya taba fadi cewa, “Da na ɓata inba da Gerstner ba.” Kafin ya kammala makarantar tauhidin, R.C. ya ɗauk aikin fasto na farko a ekkilisiyan Presbyterian da ke Lyndora, Pennsylvania, wanda ya ƙunshi baƙi ‘yan ƙasar Hungary masu launin shuɗi, waɗanda kusan dukkansu ma’aikatan Armco Steel Works ne. Bayan kammala karatun sakandare, ya ci gaba da karatun digiri na uku a karkashin G.C. Berkouwer a Jami’ar Kyauta a Amsterdam. Ya koya wa kansa harshen Dutch yayin da yake sauraron karantaswa da karanta litattafai. A cikin 2016, ‘yarsa, Sherrie, ta samo masa kwafin wani littafi na Perry Mason a cikin Yaren mutanen Holland, kuma ya sake jin daɗin yaren.

R.C. ya koma Amurka bayan shekara guda a Netherlands. A ranar 18 ga Yuli, 1965, an nada shi a Pleasant Hills United Presbyterian Church, cikin ekklisiyan Presbyterian na kasar Amurka (UPCUSA). Daga baya ya canza shekar sa ta hidima zuwa ekklisiyan Presbyterian a Amurka (PCA). Daga nan sai ya ɗauki jerin gajerun wasiƙun koyarwa guda uku a Kwalejin Westminster (1965 – 66), Kwalejin Gordon (1966 – 68), da Makarantar tauhidi ta Conwell, wacce ke a wancan lokacin a harabar Jami’ar Temple a Philadelphia. Yayin da yake a Conwell, ya koyar da ajin Lahadi a ekklisiyan Presbyterian Oreland kusa da Philadelphia., R.C.  yayi pastor na shekaru biyu a College Hill Presbyterian Church a Cincinnati, Ohio.

A shekara ta1971, R.C. ya kafa Cibiyar Nazarin Ligonier Valley, a Stahlstown a cikin tsaunukan yammacin Pennsylvania.  Ma’aikatar ta koma Orlando a 1984, wanda daga can ta yi hidima ga masu sauraron ƙasa da ƙasa ta hanyar wallafe-wallafe, watsawa, da koyarwa. Yayin da ake ci gaba da zama a Kwarin Ligonier, ma’aikatar ta fitar da bugu na farko na Tabletalk a shekara ta 1977. Mujallar ibada ta yau da kullum tana da wuraren rarrabawa 100,000 a halin yanzu, tare da kiyasin masu karatu fiye da 250,000. Ligonier ta ƙaddamar da shirin rediyo na The R.C. Sproul Study Hour a shekara ta 1982, sannan ya fara watsa shirin sabunta tunanin ku na yau da kullun a 1994, wanda yana  kaiwa ga  miliyoyin.

Daga 1971 zuwa 2017, R.C. Sproul ya kasance a kan gaba yayin da Ligonier ta karbi bakuncin taron kasa na shekara-shekara, taron yanki a duk fadin kasar, taron kasa da kasa, da yawon shakatawa; samar da jerin koyarwa, littattafai, da sauran kayan aiki; kuma ya ƙaddamar da Adireshin yanar gizo, shafi, RefNet, da app na Ligonier. A kowane mako, ma’aikatar tana kaiwa ga mutane sama ga miliyan biyu a duk faɗin duniya. A wani bangare na shirin nata na maye gurbin, hukumar gudanarwar ma’aikatun ta Ligonier ta sanar da kungiyar Masu zumuntar karantarwa ta Ligonier, wadanda a yanzu sun hada da su Drs. Sinclair B. Ferguson, W. Robert Godfrey, Stephen J. Nichols, Burk Parsons, da Derek W.H. Thomas. Chris Larson yana aiki a matsayin shugaba da Kuma babban Shugaba (president and CEO) na Ministrin Ligonier.

Daga dandalinsa a matsayinsa Mai fada aji, R.C. yayi aiki a babbar Majalisar Duniya ta Rashin Kuskuren Littafi Mai-Tsarki, Fashewar Bishara, Zumuntar Fursunoni, da bauta a Duniya. A shekara ta 1980, R.C. ya karbi matsayi na farfesa na tauhidi da gafara a makarantar Reformed Theological Seminary. Shi da Vesta sun yi tafiya zuwa Jackson, Mississippi, na ƴan watanni kowace shekara kuma yakan yi koyarwa ta cikakken lokaci a cikin lokaci mai zurfi. A cikin 1987, yayin da yake zaune a Tsakiyar Florida, RTS ta buɗe harabar ta a Orlando. R.C. yayi aiki a matsayin John Dyer Trimble Sr. Shugaban Tauhidin Tsari daga 1987–1995. Daga nan ya yi aiki a matsayin Babban Farfesa na Tauhidi na Tsare-tsare da Apologetics a makarantar Tauhidi dake Knox, Fort Lauderdale, Florida, daga 1995 – 2004.

R.C. ya koma aikin fastonci. Kamar yadda ya tuna, “A cikin 1997, Allah ya yi abin da ban taɓa tsammani ba.” Wannan abu shine kafuwar Saint Andrew’s Chapel a Sanford, Florida. A lokacin rasuwarsa, R.C. ya kasance fasto abokin aiki na biyu na Saint Andrew’s tare da Burk Parsons. Ya yi wa’azinsa na ƙarshe a ranar 26 ga Nuwamba, 2017, akan Ibraniyawa 2:1–4, “Ceton Mai-girma.”

A lokacin rasuwarsa, R.C. Sproul shi ne shugaban kwalejin da ya kafa a 2011, Reformation Bible College. R.C. ya zama shugaban kwalejin na farko, inda ya baiwa kwalejin suna, da manhajojin karatun ta, da kuma manufarta na ilimantar da dalibai sanin Allah da tsarkinsa a cikin al’adar gargajiya ta Reformed. Daga tagar ofishinsa dake ginin ma’aikatar Ligonier, R.C. zai iya duba dama ya hangi kwalejin ya duba hagu ya ga coci.

R.C. ya buga littafinsa na farko a 1973: Alamar: Bayanin akida ta Manzanni. Ya keɓe sadaukarwar littafin kamar haka: “Ga Vesta: zuwa ga Romawa, allahn arna; a gare ni, mace mai tsoron Allah.” Littafinsa na farko yana nuna aikin zuwansa a matsayin masanin tauhidi, kuma sadaukarwar littafinsa na farko ya bayyana salonsa na asali. A lokacin mutuwarsa, yana da littattafai sama da ɗari da za a yaba masa. Waɗannan sun haɗa da littattafan yara, labari, ƙarin sharhi mai maki na uku akan Ikirarin Bangaskiya ta Westminster, sharhi akan littattafan Littafi Mai Tsarki da yawa, da littattafai akan kusan kowane batu na koyarwa da rayuwar Kirista. Ya ba da izini ga rubuce-rubuce masu tarihi a cikin 1984 kuma ya rubuta Zaɓaɓɓen Allah a 1986. A 1985, ya fitar da ɗaya daga cikin ayoyin al’ada na ƙarni na ashirin na Tsarkin Allah. R.C. yayi aiki a matsayin babban editan Littafi Mai Tsarki na Nazarin Gyarawa. Ya rubuta wakoki sama da dozin biyu. Haɗin gwiwarsa tare da abokinsa da mawaki Jeff Lippencott ya haifar da CD guda biyu, Glory to the Holy One (2015) da Saints of Zion (2017).

Rubutun waƙoƙin R.C. ya nuna kasancewar cigaban  dabi’arsa ta son kiɗa na tsawon rayuwarsa. Tare da Vesta, ya rera waƙa a ƙungiyar mawaƙa ta matasa a Ekkilisiyar Pleasant Hills United Presbyterian da kuma cikin ƙungiyar mawaƙa a makaranta. R.C. kuma ya rera Babbar murya cikin quartet na makaranta. Shi ɗan piano ne, kuma daga baya a rayuwarsa, ya ɗauki violin, yana ɗaukar darussa a sabuwar ƙungiyar Conservatory of Music ta Saint Andrew. R.C. kuma yayi fenti. Ya kasance mai himma kuma ƙwararren ɗan wasan golf. Ya ji daɗin farauta, wasanin gwada ilimi, da karatu, musamman karanta tarihin rayuwa.

Babban malami, R.C. Sproul ya so koyarwa kuma ya sadaukar da rayuwansa wajen koyar da koyarwar addini ga talakawa. Ya kasance mai sa dariya, tare da shirye-shiryen samar da layi na amsa daya. Tattaunawa da R.C. yana motsa ba tare da ɓata lokaci ba daga zurfin aikin tauhidi zuwa wasanni zuwa golf (fiye da wasa) zuwa barkwanci. Yana marmarin ganin an sabunta tunani, zukata su sāke, kuma rayuwa ta canza ta wurin bishara. Yana da kyauta mai ban mamaki don bayyana abubuwa. Bai tsoratar da masu sauraronsa da fasahar shirme baya kuma ba su yin haka goyon baya. Ya koyar da al’amura masu zurfi, batutuwa na abubuwa masu nauyi, tare da tsabta da gaggawa mai tilastawa. Ya koyar da dalibansa na koyon wa’azi su gano abin jan hankali a cikin ayan, sannan su yi wa’azi game the abin jan hankalin.

R.C. sau da yawa yana tuna haduwarsa ta farko da Allah na Littafi Mai Tsarki. A matsayinsa na sabon Kirista kuma sabon dalibi a kwaleji, ya karance Littafi Mai Tsarki. Abu ɗaya ya fito daga karatunsa: Allah ne Allah wanda yake kiyayewa. Zabura, labarin Uzza, Farawa 15:17, Maryamu Mafificiya, Luka 16:16–17, da kuma, ba shakka, Ishaya 6 – yanayin waɗannan rubuce-rubuce yana burge R.C. tun lokacin da ya fara karanta su.

R.C. ya koya mana wannan: “Allah mai-tsarki ne, ba mu ba.” A tsakani akwai Ubangiji Yesu Kiristi da aikinsa cikakke na biyayya da mutuwarsa ta fansa akan giciye. Wannan shi ne sakon gadon R.C. Sproul (1939-2017).